VIERNES 01:

“EL CELTISMO NEL SIEGLU XXI: IDENTIDÁ, DIVERSIDÁ Y GLOBALIZACIÓN”
A cargu de:
LISARDO LOMBARDÍA: Direutor del Festival Intercélticu de Lorient.
Presenta y modera l’alderique que vien darréu:
Xose Nel Riesgo

Día: 1 de xunetu
Sitiu: Palaciu de Valdecarzana
Hora: 19:30

Dempués de la so intervención habrá un alderique nel que van intervenir: Ignaciu Llope, estudiosu del celtismu y Román Antonio Álvarez, conceyal de Cultura del Conceyu d’Avilés.

La identidá espresa una manera de ver el mundo. El debate Identidá / Universalidá ye un debate-trampa, o un error. Nós somos Ciudadanos y Ciudadanes del Mundo na midía que somos d’un llugar concretu del planeta. El Festival Intercélticu de Lorient tuvo siempre presente el derechu a la diferencia, la diversidá y el valir mayor del intercambiu cultural. El FIL dende la so fundación en 1971 supo convertise nuna referencia mundial pa la xente que s’identifica  cola so propia cultura pero qu’al mesmu tiempu-yos presta compartila

La cultura celta antigua, nel so momentu de mayor espardimientu y esplendor foi’l resultáu de contactos multidireccionales n’Europa. Básicamente, y con abondos matices, l’alcuentru ente la cultura celtica centroeuropea antigua (Hallstat) y el mundu etruscu mediterráneu. La cultura Celtica, el mundu celta descritu polos autores clásicos ye polimorfu, el resultáu de bien d’alcuentros ya intercambios, con una gran capacidá adautación y influencia. La cultura celta, nesi sen, yera cosmopolita y por eso fue a estendese ampliamente per tol continente europeu, y mesmo n´ Anatolia (Los Gálates).

A la hora de la globalización, nun ye casualidá que la ciudá de Lorient, fundada nel sieglu XVII pal comerciu esterior, y con intercambios económicos y culturales planetarios dende esa dómina fuere a construyir la mayor cita de cultura celta contemporania a nivel mundial

Esti añu 2011 cellebramos en Lorient Les Diáspores Céltiques. Los que acudan al FIL tendrán ocasión d’averase a tolos colores del celtismu actual. El cartel d’esti festival 2011 espresa perbién el cosmopolitismu célticu de güei: orgullu de raigaños, apertura al mundu y un sentíu permanente de curiosidá.