0

Tas en: Entamu  ›Noticias

Noticies:
 

El conceyal de Cultura, Román A. Álvarez González, presenta  l’espectáculu músico-teatral: “Inda suenen”, de l’Asociación de Música Tradicional  Muyeres, cola collaboración de Factoría Norte. Esti eventu cultural ta dientro de les actividaes del Beltaine-Avilés Intercélticu 2010. 

El Conceyal de Cultura y Deportes, Román Antonio Álvarez, presentó les II Regates de Traineres Lliga ACR2 “Ciudá d'Avilés", acompañáu de Misael Fernández Porrón, Director Xeneral de Deportes, Javier Rodríguez, Presidente del Club Náuticu de Lluanco y Manuel Ángel González Blanco, representante de Xuntanza.
Esti eventu deportivu, organizáu pola Fundación Deportiva Municipal d’Avilés cola collaboración del Club Náuticu de Lluancu/Luanco, la Direición Xeneral de Deportes del Principáu d’Asturies y Xuntanza, va facese’l 1 d’agostu a les 12:30 hores na Ría d’Avilés.

El total de participantes ye de 208 (compiten 16 embarcaciones con 13 tripulantes caúna)

- Organizaciones participantes:

• Portugalete Ballonti
• Getaria Indaux
• Zumaia Altuna y Uria
• S.D. Santoña C.R.
• Ondarroa A.E.
• Naturhouse - Mundaka
• C.R. Colindres
• Hibaika A.E.
• Donostiarra B
• Zarautz A.E.
• Ciudad de Santander
• S.D.R. Castro
• San Pedro
• C.N. Luanco
• Raspas A.E.
• Lutxana A

La prueba desarrollaráse na modalidá de Contrareló individual (2 cais, 4 llargos)
Yá ye la segunda edición d’esta competición na ciudá y ta dientro de les actividaes deportives del Beltaine-Avilés Intercélticu 2010.

El Conceyal de Cultura y Deportes, Román Antonio Álvarez, presenta les II Regates de Traineres Lliga ACR2 “Ciudá d'Avilés", acompañáu de Misael Fernández Porrón, Director Xeneral de Deportes, Javier Rodríguez, Presidente del Club Náuticu de Lluanco y Manuel Ángel González Blanco, Representante de Xuntanza, que va tener llugar el día 1 d'agostu na Ría d'Avilés

L’alcaldesa, Pilar Varela, asiste a les 18:30 a la presentación y inauguración de tres esposiciones que formen parte de la programación de Beltaine 2010:
Oficios artesanales: la cestería, d’Escontra’l Raigañu.
Oficios d’ayer nel sieglu XXI de Miki López
Cómic L’enigma del Palaciu Bao, d’Elma S. Vega.
   

Presentación de la XXX Fiesta de la bicicleta, incluyida dientro de les actividaes deportives del programa de Beltaine 2010

 El Conceyal de Cultura y Deportes, Román Antonio Álvarez, y el responsable de Comunicación del Centru Comercial El Corte Inglés, Alfonso Fuertes, presentaron hoy pela mañana la XXX edición de la Fiesta de la Bicicleta, que se va desendolcar el sábadu 24 de xunetu, entamada pola Fundación Deportiva Municipal. La Fiesta de la Bicicleta ye un acontecimientu popular, non competitivu, dirixíu a persones pa toles edaes que quieran esfrutar d'un paséu singular peles cais y redolada d'Avilés con amigos y familiares. Una xornada de convivencia y folgueta. Les persones interesaes en participar tienen d'inscribise primero y de forma gratuita nel Departamentu de Deportes d'El Corte Inglés d'Avilés (1ª planta). El plazu d'inscripción remata'l día 23 de xunetu a les 20.00 hores. Con un percorríu d'unos 12 kilómetros pel conceyu d'Avilés, la concentración previa a la salida ta prevista pa les 9:30 hores nel Centru Comercial El Corte Inglés. Los mil primeros participantes en presentase na salida van recibir una camiseta conmemorativa.
La salida dafechu va ser a les 10:30 hores.
L'itinerariu ye’l que vien darréu : Miranda, Carretera d’Heros, La Plata, c/ Eduardo Carreño Valdés, Fernando Morán, Severu Ochoa, Avenida de Cervantes, Gutiérrez Herrero, Avenida Santa Apolonia, La Lluz, c/ del Carmen, Santa Cecilia y c/ Avilés.
Dempués de xuntase na Plaza Mayor de Llaranes, la escursión sigue pela c/ Río Cares, el Hospitalillo d'Arcelor, el PEPA, la carretera de Lluancu/Luanco, Avenida del Marqués de Suances, c/ Muelle, Emile Robín, Pedro Menéndez y Cuba, con llegada a la Plaza de la Esposición en Les Meanes.
Va ponese a disposición de los/les participantes un autobús y camión de sofitu, que dirán zarrando la carrera, y nos que se van tresportar tanto les bicicletes que puedan averiase como los/les participantes que nel camín consideren que nun pueden siguir pedaliando por avería na bici o cualesquier otru pilancu.

La organización encamienta l'usu del cascu proteutor en tola marcha, la revisión previa de la bicicleta, circular a velocidá moderada, respetando la unidá de grupu y nun dir peles cais nun tean nel percorríu.

Martes 20 de xunetu de 2010: Palaciu de Valdecarzana

El presidente de Xuntanza, Matías Martínez Moya, xunto colos demás representantes de Xuntanza, presentaron la programación de Beltaine-Avilés Intercélticu 2010.
Fízose una programación que relluma actividá festiva, cultural y musical per tola ciudá, atopando asina eventos en places, como en Domingo Álvarez Acebal, Alfonso VI y España, en Sabugo o’l Carbayedo y en toles cais del cascu históricu.
Marisa Luque, secretaria de Xuntanza, destacó l’esfuerzu de les persones implicaes, asina como del voluntariáu y la inestimable participación de patrocinadores y collaboradores, tienen que dar como resultáu unos díes grandes p’Avilés y comarca, de forma que turistes, visitantes, asturinos y asturianes, empobinen pa esta fastera, nunos díes nos qu’Asturies ta “a tope”de persones con ganes de pasalo bien y disfrutar del tiempu llibre.
Al actu, fueron ente otros, el conceyal de cultura del Conceyu d’Avilés, román Antonio Álvarez y Alberto tirador, alcalde d’Illas y presidente de la Mancomunidá Comarca d’Avilés.

Día: 20 de Xunetu de 2010

Hora: 14,30

Sitiu: Palaciu de Valdecarzana

Presenta: Xuntanza